ტროპიკული სტილი მრავალ კულტურას და ტრადიციას აერთიანებს. ის გვთავაზობს ელეგანტურ სიმარტივესა და ეგზოტიკურ მოტივებს. ტროპიკულ ინტერიერში თავს ისე იგრძნობთ, თითქოს არდადეგებზე ხართ. თბილი ნიუანსები თქვენს ცხოვრებაში სიმშვიდეს და სასიამოვნო განწყობას შემოიტანს. თუ თქვენ გაინტერესებთ წყნარი ოკეანის რეგიონის კულტურა და ისტორია, თქვენს დიზაინში ტროპიკული სტილისთვის ნამდვილად არის ადგილი.
თანამედროვე დროში, დიზაინერები ხშირად გამოიყენებენ ამ ეგზოტიკურ სტილს, რომელიც ზაფხულის, მზიან დღეებს გვახსენებს. თუ თქვენ გადაწყვეტთ, რომ ინტერიერი ტროპიკულ სტილში მოაწყოთ, დიდი ყურადღება ფერების გამას მიაქციეთ. არ გამოიყენოთ „მყვირალა“ ფერები. უპირატესობა ენიჭება ყვითელს, ფორთოხლისფერ, რბილ ცისფერს და მუქ მწვანეს. განსაკუთრებული ყურადღება ექცევა ხისფერს. ტროპიკული სტილის მთავარი ელემენტი არის სტილიზებული სანათურები, დიდი ბანანის ხეები, ველური ცხოველების გრავიურები თუ პრინტები, როტანგის ავეჯი და კანაფის შპალერი. ამ სტილისთვის დამახასიათებელია მინიმალიზმი. პატარა, უბრალო დეტალებისა და დიდი აქსესუარებისგან, ის შთამბეჭდავ გარემოს ქმნის.
კომფორტული, რბილი ავეჯი თანამედროვე ტროპიკული სტილის საძინებლისთვის განუყოფელი ნაწილია. გრძელი ჰორიზონტალური ხაზები ატმოსფეროს არბილებს, თეთრი მაღალი ელემენტები ინტერიერს განსაცვიფრებელს ხდის. აქცენტი უნდა გაკეთდეს ისეთ ინტერიერის ელემენტებზე, რომლებიც ტროპიკული ტყის ასოციაციას გამოიწვევს. მწვანე ნიუანსები ასევე დომინირებულია. უარი თქვით დიდ კარადებზე, თუმცა ეს დიდ საწოლს არ ეხება. რაც შეეხება სამზარეულოს, ტროპიკული სტილის თანახმად, ის თავისუფლებით და სინაზით უნდა ხასიათდებოდეს. ამის მისაღწევად კი კარადის ფასადები დაგეხმარებათ. აუცილებლად შეიძინეთ მცენარეებიც. უმჯობესია, თუ მათ ღია-მწვანე შეფერილობის ყვავილი ექნებათ (იუკა, პალმა). თუ ამ მცენარეების მოძებნა გაგიჭირდათ, არსებობს სხვა ტროპიკული მცენარეებიც, როგორებიცაა: ფილოდენდრონი და კროტონი. ამ მცენარეების მოვლა რთული არ არის და მინიმალურ პირობებში მაქსიმალურ შედეგს მოგცემთ.
ტროპიკული სტილის ტერასაზე კი ავეჯი ხისგან, ბამბუკისგან, პალმისა თუ ნაჭედი რკინისგან უნდა იყოს დამზადებული. ისინი უნდა იყოს კომფორტული, დიდი და ფუნქციური. ნაზი, შარმიანი ტექსტურა მცენარეული მოტივებით ჯუნგლების სტილს იმიტირებს. ტროპიკული სტილის შესაქმნელად, ინტერიერში ტროპიკულ ტყეებში მცხოვრები ცხოველების და ფრინველების სურათები და ფიგურები შემოიტანეთ. ასევე პალმის ხეები არაჩვეულებრივი დამატება იქნება თქვენი სახლისთვის. იატაკისთვის, ხის ზედაპირის საუკეთესო არჩევანია. მასზე მოთავსებული წითელი ხალიჩა კი თქვენს სახლს ახალ სიცოცხლეს შთაბერავს.
