შეიძლება ფიქრობდეთ, რომ იაპონიასა და სკანდინავიის ქვეყნებს საერთო ბევრი არაფერი აქვთ თუმცა, როდესაც საქმე ინტერიერის დიზაინს ეხება, ეს ორი კულტურა ბევრად უფრო ახლოს არის ერთმანეთთან ვიდრე წარმოიდგენდით. თითოეული მათგანის ესთეტიკა ფოკუსირებულია სიმარტივეზე, ბუნებრივ ელემენტებზე და კომფორტზე, ამიტომ გასაკვირი არ არის, რომ ჩვენ ვხედავთ სულ უფრო მეტ დიზაინერს, რომელიც ამ ორ სტილს ერთმანეთში აერთიანებს და უწოდებს მას ჯაპანდის (Japandi – Japan/Scandi).

მარტივად რომ ვთქვათ, ჯაპანდის სტილი არის სკანდინავიური დიზაინისა და იაპონური დიზაინის ნაზავი. ეს არის დიზაინის მოძრაობა სადაც აღმოსავლეთი ხვდება დასავლეთს. ის აერთიანებს იაპონურ მხატვრულ ელემენტებს და ვაბი-საბის ფილოსოფიას სკანდინავიურ კომფორტთან, სითბოსთან და ჰიგიასთან.

როგორც იაპონური, ასევე სკანდინავიური დიზაინების ესთეტიკა ორიენტირებულია სიმარტივეზე, ბუნებრივ ელემენტებზე, კომფორტსა და მდგრადობაზე. ჯაპანდის დიზაინი არის სკანდინავიური ფუნქციონალურობისა და ტრადიციული იაპონური მინიმალიზმის ერთობლიობა, რათა შეიქმნას ხელოვნების, ბუნებისა და სიმარტივის განცდა. ამ დიზაინების შერწყმა ქმნის ფუნქციისა და ფორმის სრულყოფილ ნაზავს, აქცენტს აკეთებს სუფთა ხაზებზე, ნათელ სივრცეებსა და ღია ფერებზე.

ჯაპანდი ფოკუსირებულია მინიმალისტურ დიზაინზე, რომელიც ესთეტიურად სასიამოვნოა, მაგრამ უაღრესად ფუნქციონალური. აქ გხვდება ბუნებრივი მასალების სიმრავლე, მდუმარე ფერები, სუფთა ხაზები და მინიმალური, მაგრამ კარგად მოვლილი ავეჯი. ჯაპანდის დიზაინი არ არის მწირი - ის მიზანმიმართულია. ჯაპანდის სტილში გამოსახულია ულამაზესი ოსტატობა, რომელიც ფოკუსირებულია ხარისხზე და ხელნაკეთ ნივთებზე და მარტივ და გამძლე სტრუქტურებზე.

რაც შეედება ფერებს, როგორც ვთქვით უპირატესობა ენიჭება მდუმარე ფერებს. დიზაინერები ირჩევენ დამამშვიდებელი ეფექტის მქონე ფერთა გამას და როდესაც დიზაინში უფრო ნათელი ფერებია ჩართული, ისინი განკუთვნილია დახვეწილი აქცენტის შესაქმნელად.

ჯაპანდის დიზაინი მოიცავს ტექსტილისა და ტექსტურების უფრო ფართო სპექტრს, რომელიც აერთიანებს სხვადასხვა ბუნებრივ მასალებს, ორივე სტილიდან. ეს კომბინაცია ქმნის საინტერესო სივრცეს ბუნებრივი მასალისა და ფორმების განსხვავებული გამოყენებით და აკეთებს მრავალმხრივ კონტრასტს. დღეს სულ უფრო მეტი ადამიანი ეძებს სახლში ეკოლოგიურ ესთეტიკას და სწორედ ესაა უპირველესი მიზეზი, თუ რატომ ირჩევენ ჯაპანდის დიზაინს ასე აქტიურად.

როგორც უკვე აღვნიშნეთ ჯაპანდი დგას, როგორც სკანდინავიურ, ისე იაპონურ მინიმალიზმისა და კომფორტის იდეაზე. ორივეს საერთო ესთეტიკა აერთიანებს და ქმნის სტილს, რომელიც ერთდროულად მარტივი და დახვეწილია. ხოლო, სადაც ეს ორი მიდგომა განსხვავდება, მათი განსხვავებები რეალურად ერთმანეთს ავსებს. იაპონური ინტერიერი გლუვია, სკანდინავიური კი რუსტიკული. იაპონური დიზაინის უფრო მდიდარი (მაგრამ მაინც ნეიტრალური) ფერები გვეხმარება სკანდინავიური სახლების მკვეთრი, პალიტრისგან კლინიკური, ან ცივი შეგრძნებისგან დავიცვათ თავი.

იმისათვის რომ სახლი ჯაპანდის სტილში მოაწყოთ ფოკუსი გააკეთეთ ბუნებრივ მასალებზე, როგორიცაა დაუმუშავებელი ხე, ან ბამბუკის ნაჭრები, რომლებიც ბუნების განცდას და გამარტივებულ სილამაზეს შემოიტანენ სახლში. გირჩევთ გამოიყენოთ მდუმარე ფერები ღია მწვანე ფერის ელფერით, ან შემოიტანოთ გამწვანება თქვენს სახლში, რათა მისცეთ მას გარე ცხოვრების შეგრძნება.

არეულობის შემცირება ერთ-ერთი წინაპირობაა ჯაპანდის სტილის მისაღწევად. ეს დიზაინის ესთეტიკა ფოკუსირებულია სუფთა ხაზებსა და ღია სივრცეებზე. მაგრამ თუ თქვენ გაქვთ აქტიური ოჯახი და მინიმალიზმის შესაქმნელად ბრძოლა და გარჯა გიხდებათ, მაშინ გირჩევთ სცადოთ "ყალბი მინიმალიზმი" ბუნებრივი კონტეინერებით, როგორიცაა ყუთები და კალათები, ჩაშენებული ან დასაკეცი ეკრანები, რათა დაიმალოს ზედმეტი ნივთები და მარტივად შეინარჩუნოთ წესრიგი თქვენს სივრცეში.

ორივე სამყაროდან საუკეთესოს მისაღებად, გამოიყენეთ Scandi დიზაინის სიმყუდროვე თბილი ტექსტურებითა და რბილი ნაჭრებით და შეინარჩუნეთ იაპონური დეკორის ელეგანტურობა. მიუხედავად იმისა, რომ ორივე სტილი ორიენტირებულია უტილიტარულობაზე, მნიშვნელოვანია შექმნათ ზენის მსგავსი სიმშვიდე თქვენს სივრცეში.